
GGFW-ის შესახებ
„ქართული მოდის გლობალურ სცენაზე წარმოჩენა და საქართველოს დაკავშირება საერთაშორისო მოდის ინდუსტრიასთან.“
საქართველოს გლობალური მოდის კვირეული (GGFW) არის საერთაშორისო მოდის პლატფორმა, რომელიც აერთიანებს ქართველ და უცხოელ დიზაინერებს, მოდელებს, ბრენდებსა და მოდის ინდუსტრიის წარმომადგენლებს. ღონისძიება საქართველოში მასპინძლობს საერთაშორისო სტუმრებს და ქმნის სივრცეს კულტურული და პროფესიული გაცვლისთვის. GGFW-ის დამფუძნებელია ივა პაპიძე. პლატფორმის მიზანია ქართული მოდის განვითარება და საერთაშორისო დონეზე წარმოჩენა, ახალი ტალანტების მხარდაჭერა და საქართველოს დაკავშირება გლობალურ მოდის ინდუსტრიასთან.
„GGFW იღებს პასუხისმგებლობას, ხელი შეუწყოს ქართველი დიზაინერების განვითარებას, საერთაშორისო აუდიტორიასთან დაკავშირებას და მათი შემოქმედების გლობალურ მოდის სივრცეში წარმოჩენას.“
GGFW-ის მისიაა ქართული მოდის განვითარება, ქართველი დიზაინერების მხარდაჭერა და მათი საერთაშორისო მოდის სივრცეში წარმოჩენა.
ჩვენი ხედვით, ქართული მოდა უნდა იდგეს გლობალური მოდის ინდუსტრიის ღირსეულ და გამორჩეულ პოზიციაზე.
GGFW-ის ხედვაა საქართველო იქცეს საერთაშორისო მოდის მნიშვნელოვანი შეხვედრის ადგილად, სადაც ქართული ნიჭი, უნიკალური ხედვა და თანამედროვე დიზაინი გლობალურ აუდიტორიას უკავშირდება.
- 2026
სეზონი I — პირველი გამოცემა, თბილისი
GGFW-მ მოლოდინებს გადააჭარბა — პროექტის შესახებ ქართველი და უცხოელი აუდიტორია ერთნაირი ინტერესით საუბრობდა. ღონისძიების კონტენტმა Instagram-ზე მხოლოდ ერთ დღეში 2 მილიონზე მეტი ნახვა დააგროვა, რაც GGFW-ის მასშტაბსა და საერთაშორისო ინტერესზე მიუთითებს
- 2026
სეზონი II — გაზაფხული 2026
მომავალი სეზონისთვის GGFW-ის ამბიციაა კიდევ უფრო გაზარდოს საერთაშორისო მასშტაბი, მოიზიდოს მეტი უცხოელი სტუმარი და დიზაინერი და ქართული მოდა კიდევ უფრო ფართო გლობალურ აუდიტორიას გააცნოს.

თბილისი GGFW-ისთვის ბუნებრივი არჩევანია — ქალაქი, სადაც უნიკალური კულტურა, თანამედროვე შემოქმედება და სწრაფად განვითარებადი მოდის სცენა ერთმანეთს ხვდება. ჩვენი მიზანია თბილისი საერთაშორისო მოდის ერთ-ერთ საინტერესო შეხვედრის ადგილად ვაქციოთ.
საქართველო საერთაშორისო მოდის რუკაზე უნიკალური კულტურის, თანამედროვე შემოქმედებისა და გამორჩეული დიზაინის მქონე ქვეყანაა. მისი მდებარეობა ევროპასა და აზიას შორის ქმნის საინტერესო კავშირების შესაძლებლობას და საქართველოს საერთაშორისო მოდის ინდუსტრიისთვის საინტერესო ახალ მიმართულებად აქცევს. თბილისი დიზაინერებს, მყიდველებსა და საერთაშორისო პრესას სთავაზობს ახალ შემოქმედებით გარემოს, ადგილობრივ ტალანტებთან შეხვედრის შესაძლებლობას და განსხვავებული კულტურის აღმოჩენას. GGFW-ის მიზანია ეს პოტენციალი საერთაშორისო პროფესიონალებისთვის ერთ სივრცეში გააერთიანოს.






